Adobe Premiere Pro CC

في تاني حلقه في سلسله شرح برنامج Adobe Premiere Pro CC

استنا بس كدا قبل م نبدا نراجع الحلقه الاولي و الثانيه

Adobe Premiere Pro CC يعني ايه البرنامج ده و استخدامه ايه

البرنامج ده من افضل برامج المونتاج ال هتستخدمها بيستخدمه اي حد عايز يقدم محتوي عالي الجوده و احترافي 

يعد من افضل برامج المونتاج ده اذا لم يكن الافضل بينهم

البرنامج ليه شاشه استخدام مختلفه عن اي برنامج تاني مليانه ادوات متخصصه 

و ادوات محتاجه تركيز

طيب في برامج تانيه معاه في كتير طبعا

بس  ده احسن برنامج هتستخدمه 

البرنامج طبعا من شركه Adobe الشركه دي عامله سلسله برامج تصميم و تعديل

متخصصه والبرنامج ده منها 

 نرجع للموضوع
برنامج Adobe Premiere Pro CC شرحنا في اول حلقه
شاشده البدايه وانها بتتكون من 4 اختيارات اول اختيارين الهنستخدمهم و اخر اختيارين دول ملناش دعوه بيهم لانهم مختصين بالعمل الجماعي  و طبعا لازم تكون شاري البرنامج عشان تشتغل بيهم

الشاشه البعدها  بعد م فتحنا مشروع جديد 

كانت عن خصائص المشروع 

اسمه - مكان الحفظ - الاعدادات وطبعا قلنا الاعدادات منلمسهاش 

بعد كدا الشكل الاخير شاشه الاستخدام

هتحس انها صعبه جدا جدا

بس بالعكس سهله خالص 

اول حاجه الشريط الفوق قلنا في الفيديو انه مليان اعدادات و خصائص كتير هنستخدمها قريب

او استخدمنا جزء منها كمان بس الشريط الفوق ده طريقه مختلفه شويه لتنفيز الاوامر

الشاشه البعدها 

دي بيكون فيها خصائص اي حاجه انت بتضيفها عشان تعدل عليها في الحجم العرض او الطول

الحركه الصوت اي حاجه

الشاشه البعدها

كانت عشان اي حاجه تضيفها تلاقيها فيها من صور و فيديوهات و اصوات

او تاريخ الاضافه

الشاشه البعدها 

دي بيظهر فيها التراكات للاصوات و الصور و الفيديوهات البتضيفها

و الشاشه الاخيره 

دي بيكون فيها المعاينه 

و في مستطيل كدا فوق خالص

ده طبعا موجود فيه اضافات كتير كل متحدد اي اختيار بيغير الاداوت لوحدها علي حسب استخدامك 

و بس كدا دي كانت  اول حلقه

الحلقه الثانيه:-
كانت عباره اننا شرحنا قائمه الخصائص 
و انك تقدر من خلالها تغير  و تعمل تعديلات علي الصور . الاصوات او الفيديوهات ال انت  بتعمل تعديل عليها

تقدر تغير  في حجم الصور و الفيديو و مساحته و نسبه عرضه علي ابعاد الفيديو 
حجمه سواء كان طوله او عرضه تقدر تغير العرض او الطول علي حسب احتياجك ليه في الفيديو 
تقدر عن طريقه ادوات الخصائص انك تتحكم في شكله سواء كان عمودي مائل  و ممكن تخليه يتحرك في الاتجاه ال انت عيزه ممكن تغير في اعدادات الصوت و شفافيه  الصور
وموجود في اضافه طبعا موجوده في كل برامج شركه Adobe 
انك تقدر تعمل دمج في الصوره و الفيديو او بين صورتين
بحيث تظهر بشكل احترافي طبعها الموضوع ده بنسبه كبيره مبيكنش ليه مقياس
بتفضل تختار لحد م تثبت علي شكل محدد يعجبك
ب اختصار من القائمه دي تقدر تعمل تغير علي اي حاجه في الملفات ال انت ضايفها

كدا نقدر نخش في الحلقه الثالثه :-

هي عباره اننا شرحنا قائمه الخصائص
وكانت اول حاجه فيها هي قيمه النحركات
اول اختيار فيها كان بيشرح الحركه 
وهي حركه الصور او الفيديو في المساحه ال بيتم التصميم فيها
و الاختيار الثانيه
كان مسؤل عن الحجم يعني تقدر تكبر حجم الصوره او الفيديو من نحيه الابعاد 
بستخدام الاداه دي
و الاختيار الثالث
ده كان مسؤل عن التكبير بس تكبير مختلف انك تقدر تكبر الصوره او الفيديو بشكل غير منتظم
ازاي يعني
يعني انت مثلا عايز الفيديو او الصوره حجمه صغير و بالعرض مثلا تقدر تعملها بالاداه دي
الاختيار الرابع و ده كان مسؤل عن الدوران تقدر انك تعمل تدوير للصوره او الفيديو
و الاختيار الخامس ده مسؤل عن نقطه الارتكاز 
يعني ايه نقطه الارتكاز 
دي عباره عن نقطه في منتصف الصوره 
ودي تقدر تقول هي البيقف عليها الاعدادات ال فاتت دي كلها
يعني لو نقلت النقطه دي ل اي مكان في الصوره او برا الصوره  او الفيديو سواء كنت شغال علي صوره او فيديو 
اي حاجه من الاعدادات هتتغير علي حسب مكان النقطه
يعني لما كانت النقطه في نص الصوره 
وعملت تدوير الصوره دارت حول نفسها
لكن لو نقلت النقطه خارج الصوره الصوره هتلف حول النقطه
الاختيار ال بعده وده الشفافيه
يعني تقدر تقلل الشفافيه بتاعت الصوره عشان تظهر العناصر ال تحتها
و الاختيار الجمبها علطول 
ده بتختاره بالتجربه تفضل تجرب تجرب لحد م تلاقي الشكل احسن
وطبعا لازم يكون في صوره تحتها 
او هي عباره انك بتعمل دمج لصورتين او صوره مع فيديو في التاثيرات
باقي الاعدادات هنشرحها ان شاء الله الحلقه الجايه
طيب لو شاشه الجهاز صغيره في الحجم
والاعدادات و الخصائص و الادوات داخله في بعض ومشعارف تستخدمها تعمل ايه
كل ال هتعمله هتحدد المربع ال انت بتستخدمه و تضغط حرف ال (ذ)
المربع هيكبر معاك و تقدر تستخدمه براحتك

طبعا متنساش تدعمنا ب اشتراك في القناه و تكتب رايك في التعليقات